▀▄▀حزين ومابقى فيني مكان مانجرح شبره▀▄▀

من طرف منى روحي الثلاثاء فبراير 17, 2009 9:46 am

خنقت الشوف برموشي ودفنته في تراب ودم
تصور لي ثلاث سنين وانا أدفن على قبره

تعبت وملت عروقي كفن سوق وعزا مأتم
ندمت وكانت التوبه قصيدٍ غامض حبره

حبيبي والضما جرح ظميته لين شح اليم
على شفاهي وله شوفك وفي صمتي شغف نبره

وفـ اشواقي بكت صوره حبيسة درجها المعتم
وبالدفتر بكت وردة غرام شايعٍ خبره

صبر منه البكا أجدى وألم منه الألم ارحم
حزين ومابقى فيني مكان مانجرح شبره

فراق له ثلاث سنين وبعد ماحسبته كم
احبك ليت ذاك الحب حب نافعاً صبره

واحبك ليت يكفيني شعور العاشق المغرم
انا اللي اول العشاق واخرهم بلا كبره

تمنيتك كثر همي وكثر اللي يذوقوا الهم
تمنيتك وانا كفوفي عيون من الدمع غبره

وعدتك لانزل دمعك بهمسي عنك اتألم
امانه لانسى صوتي دموعك زيدي العبره

قتيل بداخل عيوني دفنته في تراب ودم
تخيل لي ثلاث سنين وانا ادور على قبره