يوم ميلادي!!

من طرف منى روحي الثلاثاء فبراير 17, 2009 9:38 am

يا ليل .. وش حببك فينـي ؟

لايغـرك انـي معـك هـادي

مابـان لـك رعشـة يدينـي

ولا شفت وش بالصدر غـادي

وإن كان شد نظـرك عينـي ؟

ومسابـق الـدمـع لـلـوادي

لا تخاف .. هذا قضـى دينـي

للملح .. يوم أونـس فـوادي

أيـام مـا كـانـت سنيـنـي

تضحك علـى كثـرة عنـادي

كنت أحسـب الغيـم يبكينـي

وكل ما إنكسر خاطري .. زادي

وكنت أحسب النـاس تغلينـي

وتحس .. في كثـرة سهـادي

وكنت أحسبك .. ماأنت ناسيني

ياليل .. لا عافنـي .. رقـادي

أمسي .. وبالظهـر سكينـي

وأصبح وأنا جروحي جـدادي

ما أقوى على شيـل رجلينـي

والناس .. تركض علـى زادي

والصاحب اللـي .. يواسينـي

صار أول .. ثيـاب الحـدادي

كنـا علـى الـدرب ماشينـي

ومادري من اللي بدى ينـادي !

لدْ .. وحسبتـه .. يحاكينـي

وأثره يقـول : الجفـا بـادي

لـي صـوت أظنـه ينادينـي

وانت أبخص النـاس ببعـادي

ومن ذيـك الأيـام .. يكفينـي

أحـزن علـى يـوم ميـلادي

حتـى الـسـواد بشرايـنـي

و حسيـت بـه .. عـادي

والحين وش حببـك فينـي ؟

مابان لك .. ليه انـا هـادي ؟